Maayong balita para sa mga biyahero ug negosyante sa Visayas ug Palawan.

Gi-anunsyo sa 2GO Travel ang bag-ong ruta sa MV 2GO Masigla nga mokonektar sa Manila, Cebu, ug Puerto Princesa, Palawan. Kini nga direktang koneksyon gikan Cebu padulong Puerto Princesa naghatag og mas sayon, hayahay, ug walay hasol nga byahe alang sa mga pasahero ug cargo.

Dako usab kini’g tabang sa mga negosyante nga nagpadala og produkto gikan Cebu paingon Palawan, uban sa kapasidad nga hangtod 50kg nga bagahe kada pasahero.

Ang MV 2GO Masigla usa sa pinakabag-ong barko sa 2GO, nga adunay komportableng higdaanan, limpyo nga pasilidad, ug maayong onboard experience.

Sugod karong summer, mas mapadali na ang pagbiyahe padulong sa Puerto Princesa—usa sa pinaka-nindot nga destinasyon sa atong nasod.

Para sa booking ug dugang impormasyon, bisitaha ang travel.2go.com.ph o adto sa pinakaduol nga 2GO Travel ticketing office.